خط الصعيد واحد من اكتر الشخصيات اللي بثت الرعب في قلوب الناس في صعيد مصر في اوائل القرن العشرين. وبيتداول اسمه لغاية النهاردة للتعبير عن الاجرام والعنف . واللي صنفه البوليس المصري بانه عنصر اجرامي شديد الخطورة . حاول البوليس سنين طويلة في المحاولة للقبض عليه ولكن بدون اي فائدة لدرجة وصول قصتو واخباره هو و عصابتخ للملك فاروق نفسه .
تعالو النهار ده نحكيلكم عن حكاية خط الصعيد المجرم اللي وصل الأمر به للقتل من باب الصدقة اهلا بيكم في موقع حكايات.
 |
| صورة حقيقية لـخط الصعيد |
من هو محمد منصور خط الصعيد الحقيقي ونشأتة
خط الصعيد هو محمد منصور سر الخاتمة من مواليد 1907م . في قرية درونكا في محافظة أسيوط. اتوفى والده وهو صغير وربته بعج والده الست والدتة هو واربعة من الاخوات . هما رمضان والرويحي وعبدالحكيم وتوفيق.
وكان جدو لابوه فقيه في الدين وقارئ للقرآن الكريم وده كان سبب تسمية العيلة بلقب سر الخاتمة يعني ختم القرآن . ولكن يتحول اسمه بعد زيع صيته في الاجرام لمحمد من ولان معناها فضلات الحيوانات .
اتحور الاسم لمحمد منصور الخط واتعرف عنه من صغره انه كان وسيم وعيونه زرقاء اللون . وكان عنده مكر وذكاء مش موجودين عند اي طفل في سنه . برغم انه ما نالش اي قدر من التعليم .
سبب خط الصعيد فى اتجاهه في الأجرام
وفي سنة 1921م ولما كان عمر محمد منصور 14 عام . خرج في يوم يرعى الغنم لكن شيخ الغفر في بلده منعه من الرعي في مكان معين . وتقوم بينهم خناقة ينهيها شيخ الغفر بقلمين على وش محمد منصور وتاني يوم على طول يقرر الشاب انه ينتقم . بس الانتقام مكنش بضرب قلم ولا قلمين ده كان بقتل شيخ الغفر .
قصتنا قصه تار في الصعيد. والتار هناك منتشر لغاية النهاردة . تقوم ترد عيلة شيخ البلد بقتل عمه وكبير عيلته واللي كان اسمه محمود . وكان رد الخطة على قتل عمه هو قتل تسعة من عيلة شيخ الغفر في تلت ايام . يعني بمعدل قتل تلاتة كل ليلة .
وبعدها يهرب من التار اللي لازم يتاخد منو ودول تسعة مش واحد ولا اتنين . فكان الحل الوحيد هو الهروب للجبل وانو يعيش فالكهوف والمغارات . ويكون من المطاردين . وبالمناسبة المطاريد دول هما الاشخاص الهربانين من البوليس او بيكون عليهم تار . يعني اصلا معندهمش حاجة يخافو عليها .
وفورا يشكل الخطة من المطاريد واخواته اللي هم هربوا معاه للجبل عصابة. او ممكن نقول بوصف ادق شكلوا حكومة جوة الحكومة برئاسة خط الصعيد والمساعد بتاعه وابو الصالحين والشيخ عواد ودول كانوا من المطاريد . واعتبرهم دراعه اليمين .
ولانهم كانوا محتاج سلاح فكانت وجهتهم هي معسكرات الانجليز وسرقة السلاح منها . وده خلى الاهالي البسطاء في وقت من الاوقات يعتبروهم مناضلين .على اساس يعني انهم بياخدو السلاح من الانجليز المحتلين البلد وكده .
لكن عصابة خط الصعيد او حكومة الخط زي ما قلنا استعملت السلاح ده في كل ما يخالف القانون . من سرقة وقت وخطف وتجارة سلاح ومخدرات وسطو مسلح وحراسة اراضي الاغنياء الي بالمناسبة كانت بالاجبار . يعني احنا هنحرس ارضك غصب عنك طيب لو مالكها رفض . خد عندك بقى وضع اليد وحرق المحصول او سرقته بعد ما يطرح او سرقة المواشي بتاعتو وخطف صاحبها او خطف حد من ولادو وحتى الاكل لو لزم الامر .
وكانت عصابة الخط بتاخد اتاوة نص جنيه في الشهر عالفدان الواحد . ووصلت عدد الافدنة اللي كانوا وتحت ايد الخط ورجالته 3000 فدان . ويوصل دخله في الشهر لخمس تلاف جنيه وخلي بالك ده كان في الاربعينات يعني كان رقم فلكي . وكان من جبروته انه ما يستناش حتى ان عصابته تنفذ جرايمها بالليل لأ . دي كانت بتم في النهار وقدام الناس كلها وما حدش يقدر يتكلم لان الحكومة حتى ما كانتش قادرة عليه ولا عارفة توصل له وده كان لاكتر من سبب .
اولهم ان الكهوف اللي كانت في الجبل صعب جدا الوصول ليها . وهو كمان مكنش بيسبت في مكان واحد لوقت طويل ولا كان حد يعرف شكله . وكمان الاسلحة اللي خدوها من الانجليز كانت متطورة اكتر بكتير من سلاح البوليس المصري لدرجة انو اتقال انو كان بيستخدم بندقية ممكن تصيب الهدف من على بعد متر كامل يعني كان يقدر ينفز اي جريمة من غير ما يقدر البوليس يلحقه.
ده وصل جبروته كمان انه في يوم عمل سطو مسلح على قطر رايح اسوان في عز النهار . وقضوا اكتر من 3 ساعات في القطر وهما بيسرقوا الركاب بدون خوف او قلق . ومنتهتش الجريمة لحد كده لا دول كمان ختموها بقتل تسع عساكر انجليز وده طبعا اللي اشعل غضب الجيش الانجليزي . وخلاهم يقوموا حملة كبيرة للقبض عليه وكان ممكن ينجحوا لولا ان حظه كان حلو وقامت الحرب العالمية التانية اللي شغلتهم عنه .
استهتار خط الصعيد بالشرطة
ويكمل خط الصعيد جرايمه وتحديه للشرطة لدرجة انه اتحكى عنه ان في يوم طلعت حملة للقبض عليه بين الكهوف والمغارات في الجبل . ولكن كالعادة كانت من غير فايدة . فبعد المجهود الكبير ده يقرر مأمور مركز اسيوط انه يدخل السينما علشان يريح اعصابو ماليوم المتعب ده .
وفي ضلمة السينما يطلع المأمور سيجارة عشان يشربها ويلاقي اللي قاعد جمبو في السينما بيولعهالو يقوم يشكرو المأمور . ويتفاجأ تاني يوم المأمور بوصول رسالة مكتوب فيها ان اللي ولع سيجارة هو الخط نفسه وتخيل انت بقى المفاجأة والغيظ اللي وصل ليهم المأمور.
نقطة ضعف خط الصعيد
وقتها كان معروف عن خط الصعيد ان نقطة ضعفه الستات وخصوصا الرقصات اللي في الموالد اللي كان عندو استعداد يسافر لهم بلاد وخليكم فاكرين المعلومة دي عشان هنحتاجها قدام .
المهم اتقال انه اتجوز عشر مرات لكن فضلت على زمته زوجة واحدة اسمها رشيدة وخلفت له ابنه هاشم اللي كان الخط بيطمن عليه المنظار من الجبل .
خط الصعيد بيتصدق بالقتل
خط الصعيد كان معروف عنه ان الحشيش والافيون مش بيتقطعوا من جيبه ومن القصص اللي اتحكت عن الخط وطيبة قلبه مع الستات ان ست كان لها تار عند واحد عشان قتل جوزها ومش عارفة تاخد تارها . فلجأت للخط اللي طلب منها خمسين جنيه ولكنها ردت انها مش بتمتلك المبلغ ده . ففضل ينزلها في السعر ودايما كانت اجابتها ان ممعهاش فلوس . فقام قايل لها طيب هاتي تلاتة ابيض اللي هما يعني قرش ونص تمن الطلقة اللي هيستعمله في القتل .
فبكت وقالت انها حتى مش معاها القرش ونص ده . فقام قايل لها خلاص انا هقتلهولك صدقة انتو متخيلين معايا واحد بيقتل من باب الصدقة ده مش بس مجرم ده تعدى مراحل الاجرام .
حكابة خط الصعيد مع الملك فاروق
وصول اخبار الخط الملك فاروق فبيقول لك يا سيدي ان كان في راجل غني في اسيوط اسمه حسن كدواني وكان عنده ارض بيحرسها الخط . لكن عم حسن مكنش منتظم في سداد الاتاوة وده خلى عصابة الخط تقرر تحط ايديها عالمحصول بتاعه لغاية ما تبيعه وتاخد فلوسها وقاموا بانين كوخ في الارض واستقروا فيه .
ولما وصل الخبر للمأمور اللواء اسماعيل قام مطلع حملة للقبض عليهم ولكنهم هربوا للجبل ومقدرش يقبض الا على اتنين من العصابة . ولما وصل الخبر للخط اختلف مع الشيخ عواد اللي هو كان دراعه اليمين على ازاي ياخده بتارهم من البوليس واقترح الشيخ عواد قتل حسين كيلاني عشان يكون عبرة . اما الخط فكان رأيه هو المأمور نفسه وفعلا تخرج عصابة الخط يوم 15 سبتمبر سنة 1946 م وتضرب نار على عربية فيها رئيس نيابة اسيوط والمأمور وقوة من الشرطة . لكن لحسن الحظ يتصاب المأمور باربع رصاصات وما يموتش .
ويتعرف الخبر بين القيادات لغاية ما وصل لاسماعيل صدقي رئيس الوزراء بيوصل كمان للملك فاروق اللي في حفلة عيد ميلاده استهزأ بعزيز اباظة مدير مديرية اسيوط وقال له قل لي يا باشا هو اسمه الخط ولا الحظ يعني كنوع من انواع الافيه يعني هو يعني افيه ما بيضحكش ولا حاجة بس كان قصده يتريق على مدير مديرية اسيوط. و
كان قصده ان حظة حلو عشان يقدر يعمل كل ده بدون ما يتم القبض عليه. وهنا تقرر الشرطة ان الخط لازم يتقتل مش بس يتقبض عليه. عشان يقدروا يرجعوا هيبتهم. وعلى الناحية التانية في العصابة لما يوصل خبر اصابة المأمور بس مش موته يعاتب الشيخ عواد الخط انه ما سمعش نصيحته راح قتل حسن كدواني وقام قرر يسيب العصابة ويرجع لبيته وساعتها طبعا اصبح هدف سهل للشرطة اللي صفته فورا
حيلة الشرطة للقبض علي الخط وخدعة الراقصات.
وتبدأ الشرطة في التخطيط لقتل خط الصعيد وكان الهدف هو استدراجه من المغارات اللي مش بتعرف الشرطة تتحرك بينها للقرية اللي هيسهل اكله فيها فاكرين ان نقطة ضعف والستات اهي الشرطة بقى لعبت على نقطة ضعفه.
وقامت جايبة له تلات رقاصات. وتدخلوهم للقرية على امل ان الخط هيعرف بخبرهم وينزل لهم ويقدروا يسيطروا عليه. لكن الخط كان ازكى وامكر. وفعلا يروح للرقصات ويقضي وقت معهم. وينجح في الهروب
وقع خط الصعيد فغرام واحدة اسمها حليمة وكانت متجوزة من حارس وابور مية اسمه وابور مالطي ونسي نفسه معاها لدرجة انو ما بقاش يركز في تغيير مكانو باستمرار زي عادتو.
ولما وصل الخبر للعمدة يقوم مبلغ الشرطة على طول وتستعين الشرطة بقوات من الجيش وتلجأ من الاعيان اسمه محروس عازر اللي كان صاحب الارض اللي فيها الوابور وده عشان يسهل لهم القبض عليه وطلبوا منه يحط له السم في الاكل اللي بيبعتهوله كل يوم ولكنه يقول لهم ان الخطة ابدا مش بياكل اي اكل بيتقدم ليه الا في حالة ان اللي بيقدمهوله يدوقه الاول
شار عليهم ان عمدة واسمو حمدي خليفة اللي كان شخصية مقربة للخط وبيساعدو فتحصيل الفديات اللي بيطلبها لما يخطف حد . وهنا تعرض الحكومة عالعمدة انهم يعفو عنو مقابل انو يسلمهم الخط .
وكان الخطة وقتها ان الخط كان خاطف طفل عمرو 14 سنة واسمو شوقي عوض حنا ابن واحد من الاعيان وكان الخطة طالب فيه فدية متين جنيه واتوسط العمدة عند الخط انه يسلم الطفل لاهله مقدما قصاد انه وصل المبلغ مع اهل الطفل مية وخمسين جنيه ويصدقوا الخط ويسلم لهم الطفل ويستنى الفدية .
وفي اليوم الموعود تمانية اغسطس الف تسعمية سبعة واربعين وفي منطقة البحر الاحمر في اسيوط لقى الخط شابين من اهل الطفل وصلوا ليه لكن من غير فلوس . وهنا حس انه كمين وقام واخد الشابين لحقل درة ويقوم مصفيهم بمساعدة ابو صالحين . ويعلى صوت الرصاص وحول الخط وابو صالحين الهروب لكنه لقى نفسه متحوط بقوات الشرطة اللي الصحافة فرقة الموت وكانت بقيادة الملازم محمد السعيد هلال وكمان قوات الجيش.
وضربوه مع المساعد بتاعه واحد وعشرين طلقة ولسببت سعادته في الحالة وحطوا جثته على عربية مكشوفة ولفوا بيها اسيوط كلها .
خدعة ام الخط بعد قتلة
راحوا بيها لامه وسألوها هل ده ابنك ؟ لكن واضح ان الام تخلي ابنها اسطورة حية وتخلي البوليس يشك في قدراته وتخليه يجري ورا السراب ويستمر في مطاردته اكتر .
فقامت قايلة لهم ان ده مش ابنها وطلبت منهم ياخدوا الجثة بعيد لكن النائب العام محمود بيك منصور لجأ لحيلة زكية وقام طلب استدعاء الطبيب الشرعي لتشريح الجثة . وهنا انهارت وانهارت معاها امه والست فضة وبكت وقالت قتلوك يا ازرق العين يا حلو يا اشقر يا كيد الحكومة يا محمد .
واتوعدت مراتو بالانتقام ليه وبكده تتكتب نهاية الخطة لمجرم اللي سبب رعب للناس لسنين طويلة وفضلت اسطورته تتداول لحد وبقى اسم خط الصعيد هو اللفظ المرعب اللي بيطلق على اي مجرم ارتكب جرايم في حق المجتمع كله .
خط الصعيد في سوهاج
اشتهر لفظ خط الصعيد على العديد من المجرمين فى الصعيد وكان أشهرهم فى سوهاج شعيب علم الدين الذي كان يقيم في محافظة سوهاج بقرية القرامطة بمركز سوهاج .
نوفل سعد الدين خط الصعيد
نوفل سعد الدين ربيع من محافظة قنا مدينة نجع حمادي من أشهر من حمل لقب خط الصعيد فى العصر الحديث القدر ساقة الى القتل بعد ما تم قتل اهله واخذ الثار لهم .
خط الصعيد عزت حنفي
عزت حنفي اشهر من حصل على لقب خط الصعيد من قرية النخيلة مركز ابوتيج فى محافظة اسيوط . وكان من اخطر المجرمين الذي اثاروا غضب الشعب اعتقل اهل قريتة واوقف قطار وتم عمل فيلم له يدعي فيلم الجزيرة ليوثق ما فعله فى مسيرتة الاجرامية وتم القبض علية واعدم شنقاً.
خط الصعيد بالترتيب
- محمد محمود منصور هاشم" من درونكا أسيوط
- عزت حنفي" من النخيلة أبو تيج أسيوط.
- نوفل سعد ربيع" من حمرا دوم نجع حمادي آل سليمان.
- ياسر الحامبولي" الشهير ب روبن هود من الأقصر.
- نشأت عيضة" من حمرا دوم نجع حمادي آل هنداوي.
- شعيب السيد علم الدين" من القرامطة محافظة سوهاج.
- علي حسين " من نزلة البدرمان المنيا الشهير بهولاكو.
- سيد بعجر" من الجبل الشرقي المنيا .