 |
| صورة حقيقة للجاسوس اللبناني خميس احمد |
خميس احمد بيومي الجاسوس اللبناني الذي جند اكتر من 35 شاب لبناني لصالح اسرائيل وصاحب تفجيرات ضد المنظمة الفلسطينية قبل ان نسرد قصته لابد من معرفة الظروف المحيطة في الوقت نفسه حتي تفهم الصورة كاملة والغرض من العملية.
تفجيرات لبنان في فترة السبعينات .
الجمعة سبعة وعشرين ديسمبر سنة الف تسعمية اربعة وسبعين بيتفاجئ الشعب اللبناني باغرب خبر صحفي ممكن يقراه في حياته كلها. الخبر كان عبارة عن نداء واستعطاف من وزارة الداخلية اللبنانية للمجرمين الجواسيس والارهابيين اللي بيزرعوا القنابل والصواريخ في شوارع لبنان.
وكان النداء او الخبر كالتالي امام عجز الدولة عن القاء القبض على اي متهم بزرع القنابل فلا مفر لديها من ان تلجأ الى عاطفة الانسانية. وترجوه ان يتوقف لمدة يومين فقط وشفقة بحال المواطنين لا قدر الله تخيل حضرتك معي انك تصحى الصبح تفتح الجرنال وتقرا خبر زي ده. وزارة داخلية بلدك بتستجدي وتستعطف ضمير قتلة خونة. جواسيس وبتتحايل عليهم كمان يوقفوا التفجيرات عشان يرحموا الناس.
قمة الضعف والهوان والمذلة. خبر صحفي تقدر تقول عليه انه بمثابة سقوط للدولة او زهاب لهيبة نزام باكمله. وهنا السؤال هو ازاي لبنان وصل به الحال للدرجة دي ؟ والسؤال التاني هو ليه وزارة الداخلية طلعت وقالت اعلان بالحالة دي من المزلة والضعف.
اختصارا كده سبق وقلت لحضرات ان في احداث دموية حصلت في الاردن ما بين الجيش الاردني والمقاومة الفلسطينية. لان المملكة الاردنية ما كانتش عايزة المقاومة الفلسطينية تتم من اراضيها. ونشأ عنها ما يعرف باسم احداث ايلول الاسود. والكلام ده كان في شهر سبتمبر سنة الف تسعمية وسبعين.
المهم ان المشكلة دي اتحلت بوساطة مصرية عن طريق الرئيس الراحل جمال عبدالناصر وكان من ضمن بنود المصالحة ان المقاومة الفلسطينية الممثلة في منظمة التحرير يبقى لهم مخيمات ومكاتب جوة لبنان. طبعا الكلام ما عجبش امريكا واسرائيل. لان المقاومة الفلسطينية مشيت من الاردن راحت على لبنان. فما عملناش حاجة برضو. ما هم كده كده هيستهدفوا اسرائيل عن طريق لبنان.
فجت امريكا بدأت تضغط على الحكومة اللبنانية وتهددهم بالخلق الاقتصادي والسياسي والعسكري. لو ما قامتش الحكومة اللبنانية بطرد العناصر الفلسطينية من اراضيها.
في الاول وبسبب التهديدات دي حصلت خلافات ومأساة عاشها اللبنانيين والفلسطينيين. وحصلت ما بينهم احداث خطيرة جدا جدا. لحد ما جه الرئيس اللبناني سليمان فرنجية وقرر انه يتبع سياسة الانفتاح على العرب. واسقط نظرية الاعتماد على الحماية الامريكية. وبقت وجهة نظرة زي السادات بالزبط. المتغطي بالامريكان عريان. ومش بس كدا. دا اعلنها سليمان فرنجية صراحة امام العالم كله ان اسرائيل لها مطامع في المياه ولابد من الوقوف ضدها.
وبدأت العراق فعليا في مساعدة لبنان على التسليح من الاتحاد السوفيتي. حاولوا الامريكان والاسرائيليين انهم يبعدوا لبنان بكل الطرق عن الحضن العربي. لدرجة انهم دبروا اكتر من محاولة اغتيال للرئيس سليمان فرنجية. ولما فشلوا في كل محاولاتهم بدأوا يتبعوا السياسة الاسهل والانجح بالنسبة لهم.
وهي سياسة زرع الضغينة والانقسام ما بين لبنان والدول العربية. سياسة شبكات التخريب زي ما جربوها بالزبط عندنا في مصر مع علماء الصواريخ الالمان. عشان يطفشوهم وما يخل يكملوا المشروع كانوا بيبعتوا لهم الطرود المفخخة على بيوتهم ومكاتبهم ومدارس ولادهم. لحد ما اترعبوا العلماء الالمان وسابوا مصر وطفشوا منها تماما. فالموضوع بالنسبة لهم سهل ومجرب وناجح.
وبما اننا كعرب ما بنتعلمش بالساهل وما بناخدش دروس وعبر من الاحداث السابقة. فليه ليه ما ينفزوش الموضوع مرة واتنين وعشرة وفي كل مرة بينجح وكل مرة بيقع العرب في نفس الفخ هو هو ولكن اهم ما في الموضوع انهم يختاروا الخونة ضعاف النفوس اللي هينفزوا مخططاتهم عن طريقهم. وكان واحد من ضمن الازرع الخبيثة والايادي الخفية اللي تسببت في ترويع امن المواطنين اللبنانيين هو الجاسوس القاتل خميس احمد بيومي
نشاة الجاسوس اللبناني خميس احمد بيومي .
مدينة صيدا سنة الف تسعمية واحد واربعين. وفي واحدة من البنايات العالية المطلة على البحر وتحديدا بالقرب من جامع الزعتري بيتولد الطفل خميس احمد بيومي. اتولد في اسرة ميسورة الحال. والده كان مقاول عنده شركة مقاولات كبيرة. وبيشتغل عنده عشرات العمال.
وكان خميس من لحظة ولادته وعايش في طرف منعم مدلل. واحد كده من الناس اللي يتقال عليهم اتولدوا وفي بقه معلقة دهب. ولكن للاسف التربية المدللة خلقت منه انسان فاشل ما عندوش اي استعداد لتحمل اي مسؤولية. كل حياته عبارة عن السهر واللعب في صالات القمار والنوادي الليلية مع فتيات الليل.
ولكن للاسف الندم على التربية السيئة جه متأخر جدا. حاول ابوه انه يثنيه اكتر من مرة عن الطريق اللي ماشي فيه. ولكن الولد فضل زي ما هو. لحد ما ابوه زي ما بنقول عندنا كده في مصر رمى طوبتة ويأس منه. وبقى عايش حياته منتظر اليوم اللي هيشوف ابنه فيه لما يتصلح حاله. ولكن القدر ما امهلوش انه يشوف اليوم ده.
فجأة بيتوفى الاب في حادث سيارة بعد وفاة الوالد اتقلب حال الاسرة رأس على عقب. تفاجئت الاسرة ان الاب مديون للبنوك باموال طائلة. وان البنوك حجزت على الشركة وبعض ممتلكاتهم.
صاحبنا بقى المغيب فاق من الغيبوبة اللي كان عايش فيها على واقع مرير. تفاجأ بان حتى مصروف جيبه او مصاريف يومه العادية جدا مش لاقيها. حاول انه يلجأ لاصدقاؤه اللي كان معهم يوميا واللي كان بيصرف عليهم من اموال ابوه ولكن كلهم اتهربوا منه. كانوا بيعتبروه بالظب كانه افة منبوزة بينهم.
معاناة الجاسوس اللبناني خميس احمد بعد وفاة والدة .
وفي يوم وليلة لقى نفسه المسؤول والعائل الوحيد عن اسرته بالكامل. واللي كانت مكونة من امه واخواته الستة. ومطلوب منه انه يصرف على كل دول. فقعد يدور على شغل لحد ما اشتغل فعلا في مركز تأهيل للمعاقين موجود في صيدا. ودربوه على انه يعمل جلسات علاج طبيعي للمعاقين. استمر بقى في شغله في المركز ده لمدة اربع سنين كاملين. اربع سنين كاملين عدوا عليه وكل يوم يندب حاله حظه.
شايف نفسه دايما عند نقطة الصفر مش عارف تحرك منها خطوة واحدة. فلما شاف ان العملية مش جايبة همها معه قرر انه يهاجر لكندا. جهز اوراقه وقدم على طلب الهجرة اكتر من مرة. ولكن في كل مرة كان بيفشل وزاد البلاء طين معه لما خطيبته سابته بسبب ظروفة المادية الصعبة. وسط كل الظروف دي بقى سلم نفسه للامر الواقع وكمل في شغل زي ما هو واستمر الحالة على كده
طريقة تجنيد الجاسوس اللبناني خميس احمد بيومي من قبل الموساد .
شهر فبراير سنة الف تسعمية تلاتة وسبعين. يحصل الموقف اللي من بعده اتقلبت حياته رأسا على عقب. في يوم من الايام وهو موجود في شغله في مركز العلاج الطبيعي دخلت سيدة جميلة مظهرها شيك جدا وواضح عليها علامات الغنى والثراء. وسألته عن امكانية ان المركز يبعت واحد للبيت عشان يعمل جلسات علاج طبيعي لبنتها المعاقة وقالت له مستعدة ادفع اللي انتم عايزينه. طبعا لقاها فرصة كويسة جدا انه يطلع منها بقرشين حلوين. فاخد منها مبلغ تحت الحساب وقال لها ان هو بنفسه اللي هيجي عشان يعمل جلسات للبنت. وفعلا في الميعاد المتفق عليه.
وفعلا في المعاد المتفق عليه راح الجاسوس اللبناني خميس على العنوان اللي اديته له. اول ما راح هناك لقى قدامه بنت جميلة عمرها تسع سنوات قعيدة كورس متحرك وبدأ فعلا في جلسات العلاج الطبيعي معها. عدى اسبوع واتنين وتلاتة وماشية الامور بشكل هادي وعادي جدا.
كان بيسمع الكلام من الجاسوس اللبناني خميس وهو في منتهى عادة. شايف قدامه فريسة جاهزة وصيد ما فيش اسهل من كده. يعني مش محتاج اي مجهود عشان يجنده. وعشان كده كانت اول كلمة ينطقها بعد ما خميس خلص كلامه قال له اسمع بقى. انا هاسألك سؤال محدد وعاوز عليه اجابة مباشرة ومحددة.
لو طلبت منك مهمة كبيرة والمقابل المادي بتاع اكبر هتنفزها ولا لأ ؟ رد عليه خميس بدون تفكير وبدون تردد وحتى من غير ما يعرف مطلوب منه ايه ؟ قال له ما دام فيها فلوس انا معك. فكوبليان قال له احنا كده متفقين وانت كده تمام. انا عندي شغل في بيروت هاروح اخلصه بعد كم يوم وهاجي لك واكلمك في التفاصيل.
تجنيد الجاسوس اللبناني خميس احمد بيومي .
سافر كوبليان على بيروت وراه سافر الجاسوس اللبناني خميس بيومي او بمعنى اصح الفريسة السهلة وهو على نار قايدة. واتعمد انه يغيب عنه بدل الاسبوع اتنين وتلاتة. وكان كل يوم يعدي كان القلق يزيد جوة خميس بيومي. لانه طبعا كان عايز الشغل وعايز الفلوس. ولما زاد التأخير قام جاي خميس واخد بعضه ومسافر على بيروت. هناك قعد يسأل لحد ما وصل لمحل المجوهرات بتاع كوبليان.
اول ما شاف كوبليان قال له ايه يا عم! فينك وايه الغيبة دي كلها! انت مش وعدتني ان في بينا شغل وفلوس وهنرجع الليالي الحلوة تاني بتاعة زمان! ابتسم كوبليهان وقال له سيبك من الشغل دلوقتي. خلينا الاول في الفلوس والليالي الحلوة. دول 5 تلاف ليرة خليهم معك. واليومين الجايين دول بقى انا هافسحك واسهرك سهرات هتنسيك اسمك.
وفعلا بقى كل يوم ياخدوا معه يسهره في مكان غير التاني. وبعد ما احكم السيطرة عليه واطمن ان الجاسوس اللبناني خميس طوع ايديه ومستحيل يرجع للفقر تاني. قال له خلاص كفاية لحد كده. من النهاردة بقى نبدأ شغلنا. وقام جاي واخده معه على مكان مخصص كمقر من المقرات السرية للموساد في بيروت. وهناك لقى واحد في انتظارة عرفه بنفسه على انه اسمه روبيرتو. برتغال الجنسية. وتفاجأ به وهو بيتكلم اللغة العربية وبمنتهى الطلاقة. قعد معه وبدأ انه يستدرجه في الكلام. بطريقة تخليه يسب لبنان وحكومة وجيش لبنان .
وطبعا طول ما هو بيتكلم في جهاز تسجيل شغال بيسجل كل كلمة بيقولها. لكن طبعا صاحبنا ما كانش حاسس باي حاجة. وبعد ما استدرك خميس وسمع منه كل اللي هو عايزه اسمع بقى يا عم خميس.
واضح جدا انك راجل جدع وهتتعاون معنا. وواضح كمان ان هيبقى لك عندنا شأن ومكانة عظيمة جدا. احنا كمان هنساعدك وهنعوضك انت واسرتك عن اللي راح منكم. فرد عليه االجاسوس اللبناني خميس وقال له معكم دول اللي هم مين ؟ هم مين دول اللي هيبقى لي عندهم شأن عظيم ؟ ومين اللي هيساعدوني يعوضوني انا واسرتي عن اللي فاتوا. فابتسم روبيرتو وقال له معنا احنا يا حبيبي مع الموساد الاسرائيلي واطمن وما تخافش من اي حاجة. هنعلمك وندربك ونأمنك والشغل معنا ما فيش اسهل منه. والفلوس عندنا برضو ما فيش اكتر منها هتدينا شغل هنغرقك في فلوس ونعيم وعز عمرك شفتهم. وكل اللي مطلوب منك شوية عبوات. هنعلمك تعملها ازاي. والاماكن اللي تزرعها فيها. وخلاص على كده. يعني شغل ما فيش اسهل من كده يا عم خميس. تمام يا اخويا ؟ قال له تمام قوي.
العمليات التخريبية فى لبنان بسبب الجاسوس .
وبدأوا بعدها تدريبه على اعداد العبوات الناسفة. وازاي يتعامل مع مادة التي ان تي شديدة الانفجار. بعد ما انهى تدريباته كانت اول مهمة له تفجير احد الفنادق المخصصة لاقامة البعثات الدبلوماسية العراقية في بيروت. وكان الهدف من العملية احداث الوقيعة والضغينة ما بين الحكومة العراقية وما بين الحكومة اللبنانية وفي الميعاد المحدد اخد شنطة المتفجرات وراح على الفندق.
دخل صالة لاستقبال متنكر وتزاهر انه قاعد في انتظار حد هييجي يقعد معه واختار انه يقعد على كرسي محدد كانت جنبه في فازا ضخمة طبعا عشان تبقى الفازة جنبه ويسهل عليه انه يداري الشنطة جنبها. وبعد دقايق امن على الكرسي وساب شنطة المتفجرات جنب الفازة الضخمة. خرج من الفندق وكان مرع بمزعور وركبه بتخبط في بعض.
يا دوب خمس دقايق ودور انفجار في المكان بالكامل. وكان نتيجة الانفجار مقتل تسع اشخاص بينهم اربع عراقيين وخمس لبنانيين. وصل الجاسوس اللبناني خميس للبيت وهو في حالة خوف وزعر. ما كانش مصدق نفسه انه عمل كده بالفعل. وزاد القلق والخ عنده اكتر لما سمع وشاف الخبر بعنيه في التليفزيون لما شاف المصابين والضحايا اللي كان سبب في اصابتهم .
وقبل ما يدخل في مرحلة العتاب او انه يلوم نفسه كان روبيرتو فوق دماغه زي الشيطان. واتبع معه اسلوب الترهيب شوية والترهيب شويتين. قال له انت اتجننت. انت عايز يتقبض عليك وتبقى سبب في تموت نفسك. ثم انك نسيت العز والنعيم اللي هتعيش فيه. وايه يعني يا عم لما تسعى ولا عشرة ولا حتى مية يموتوا. ما في لازم ناس تموت عشان ناس تانية تعيش. واحنا اللي لازم نعيش. وبعدين اجمد كده. هو احنا لسه عملنا حاجة ؟ ده لسه التقيل جاي.
وفي نفس الوقت راح مسلمه ظرف جواه مبلغ تلات الاف دولار. وقال له خد الفلوس دي بقى ودلع نفسك. واعمل حسابك ان كل عملية هتقوم بها هتاخد قد المبلغ ده اضعاف مضاعفة. وكل ما شغلك يزيد كل ما المبلغ يزيد وعدت الايام والشهور وتحول خميس بيومي من انسان مرفه منعم عديم المسؤولية. لقاتل سفاك للدماء. لا عنده رحمة ولا هوادة ولا وازع من دين او ضمير. وطبعا لخدمة الموساد وفلوس الموساد
تكوين شبكة الجاسوسية والتخريب فى لبنان .
استطاع انه يجند جاسوس تاني معه. كان اسمه جميل القرحان جميل مدرس في مدرسة ابتدائية في بيروت. واترفد من وزارة التربية والتعليم بسبب اتيانه الافعال المشينة بعد ما تم ضبطه بافعال منافية للاداب. المهم جندخ معه وبمرور الوقت. الاتنين كونوا مع بعض شبكة من المخربين والارهابيين. بلغ عددها تسعة وتلاتين مخرب وجاسوس.
واستمر الحال على كده لحد يوم خمسة نوفمبر سنة الف تسعمية اربعة وسبعين. طلب ضابط الموساد من الجاسوس اللبناني خميس بيومي ان لازم يقابله وبمنتهى السرعة وبالفعل اتقابلوا هما الاتنين في واحدة من الشقق السكنية المحددة كمقر من مقرات الموساد في بيروت
قال له النهاردة هكلفك باخطر واهم تكليف ممكن تقوم به لان المرة دي الهدف مش واحد المرة دي هتكون سلسلة تفجيرات هتزلزل بيروت كلها ولازم تتم بمنتهى الدقة. والاهم انها لازم تنجح. لان بناء على نجاحها هيتخز قرارات سيادية خطيرة جدا. وخد بالك ان العملية المرة دي مش هتكون بعبوات ناسفة. العملية هتكون بقواعد صواريخ مصغرة. هنعلمك ازاي تعملها وازاي تنفذ بيها
كانت قاعدة الصواريخ المصغرة دي عبارة عن صندوق من الخشب. كان بيتفتح ويتقفل عن طريق مفاصل اوتوماتيكية. كان جوة الصندوق ده حاطين قاعدة خشبية. على القاعدة دي بيثبته من اربع لست صواريخ. وكانت الصواريخ دي من طراز ار بي جيه بلجيكي الصنع عيار تلاتة ونص بوصة.
وكان يوصل الاربع او الست صواريخ دول بمجموعة من الاسلاك الكهربية بما يشكل دايرة كهربية. طبعا الاسلاك دي عشان تشتغل لازم توصل بمصدر للتيار الكهربي. فكانوا بياخدوا السلك يوصلوه ببطارية العربية. وبعدها بيزبطوا التايمر على موعد التفجير. اول ما ييجي المعاد بتتفتح صناديق اوتوماتيكيا وتنطلق الصواريخ على الهدف الموجهة اليه.
وبالفعل تم تدريبه على التركيب والتنفيذ بقاعدة الصواريخ. واتحدد ميعاد التنفيذ يوم التلات عشرة ديسمبر سنة الف تسعمية اربعة وسبعين.
تنفذ عمليات التخريب ضد المنظمة الفلسطينية فى لبنان .
ويوم عشرة ديسمبر سنة الف تسعمية اربعة وسبعين. واسناء وجود عدد كبير من الموظفين في مكتب منظمة التحرير الفلسطينية اتعرض المبنى لانفجار عنيف جدا جدا. كان نتيجة الانفجار مقتل واصابة العشرات من موظفي المنظمة . ده بالاضافة لتدمير وتخريب المبنى بشكل شبه كامل. وكان من ضمن الضحايا ناس ما لهمش اي زنب في اي حاجة. مجموعة من العمال كانوا شغالين في معرض مفروشات اسمه الدبيان واللي كان موقعه في الدور الاول للمبنى.
وبعد دقايق كانت الشرطة اللبنانية ورجال الامن في المكان عشان يعملوا المعاينة اللازمة. وهم بيدوروا بيعاينوا المكان لقوا سيارة فيات مية اتنين وتلاتين بيضاء اللون. كانت واقفة على الرصيف المواجه للمبنى اللي تم تفجيره. ولقوا على سطح العربية قاعدة الصواريخ الخ
وهم بيكملوا البحث بتاعهم وعلى بعد خمسة وستين متر فقط من العربية الاولى لقوا سيارة فيات التانية وفوق منها صندوق خشب. قبل ما يقربوا منها اتصلوا على خبير مفرقعات عشان ييجي يتعامل معها. ولكن قبل ما يوصل خبير المفرقعات تفاجأ فريق البحس بالصندوق بيتفتح اوتوماتيكيا. وانطلقت منه ست صواريخ دفعة واحدة موجهة على المبنى التاني المجاور للمبنى الاولاني اللي تم تدميره.
خرجت الست صواريخ دمروا المبنى التاني اللي كان مكون من دورين وجابوه على الارض. وبعد تلاتين دقيقة بالزبط وتحديدا في شارع كولومباني بيتفاجأ المواطنين بانطلاق اربع صواريخ تانيين قدام عنيهم.
انطلقوا من قاعدة صواريخ مسبتة على سيارة ودي مية وتمانين. وانطلقت الصواريخ في اتجاه مبنى موجود جواه مركز الابحاث التابع لمنظمة التحرير الفلسطينية. وتدمر المركز بالكامل بالابحاث والكتب اللي كانت جواه. واللي كانت بتضم من خمستاشر الف بحث وكتاب ده بالاضافة لاصابة العشرات من المواطنين وتخريب العشرات من السيارات
وبعد نص ساعة تاني وتحديدا في شارع كرم الزيتون انطلقت اربع صواريخ مماثلة مثبتة على سيارة فيات مية اتنين وتلاتين وتم استهداف مكتب شئون الارض المحتلة. واللي كان موجود في بناية الايمان لصاحبها جعفل البنا.
اربع انفجارات متتاليين وفي اقل من ساعتين على ايد شبكة التخريب اللي كونها خميس بيومي. كان اهم هدف بقى للتفجيرات دي كلها ووقوع الضغينة والانقسام. سواء ما بين النظام العراقي والنزام اللبناني وبين النظام اللبناني والمقاومة الفلسطينية. يعني الهدف منها انه يوقع التلاتة في بعض. ويفضلوا دايما في صراع وتناحر مستمر لا ينتهي.
استمرت التفجيرات سواء على الكنايس او المساجد او المكاتب من يوم عشرة ديسمبر لحد يوم خمسة وعشرين ديسمبر سنة الف تسعمية اربعة وسبعين. واتعمدوا اظهار الامن والنظام اللبناني بانه نظام ضعيف متخازل. وانه غير قادر على حماية المواطنين والاراضي اللبنانية.
رد الفعل الغريب من الصحافة اللبنانية المتعلق بالتفجيرات .
وخرجت الصحف اللبنانية بعدها في اغرب نداء ورجاء واستجداء للارهابيين القتلة. خرجت تستعطفهم بالتوقف عن زرع القنابل والصواريخ. وبتستجدي فيهم الضمير يرحموا الابرياء اللي ما لهمش اي زنب. ولكن كل النداءات الانسانية والضحايا والدماء اللي اسيلت على ارض لبنان. ما كانتش كفيلة انها تحرك حجر واحد في قلوبهم. فهي كالحجارة او اشد قسوة.
القبض على الجاسوس اللبناني خميس احمد بيومي .
ولكن ارادة ربنا سبحانه وتعالى فوق كل اعتبار. اراد المولى انه مش بصره وبصيرته. وتحصل الصدفة يوم تسعة يناير سنة الف تسعمية خمسة وسبعين. اليوم ده كان خميس بيومي في شارع اسمه شارع كورنيش المزرعة. وكان بيعمل رسم كروكي لاحد المباني التابعة لمنزمة التحرير. وهو بيرسم يلمحه واحد من رجال الامن اثناء مروره بالشارع بالصدفة.
وفعلا يتم القاء القبض عليه. وبعد القبض عليه حاول انه يراوغ واستخدم كل اساليب الدهاء والمراوغة. ولكن باستخدام اسلوب التحقيق المطول والتهديد البدني او النفسي. اعترف بكل تفاصيل خيانته. واعترف كمان باسماء اعضاء شبكة الجاسوسية اللي كونها.
وخلال ايام استطاع الامن اللبناني انه يلقي القبض على شريكه الاساسي التاني في شبكة التخريب جميل القرح. الا انه مات بالسكتة القلبية اول ما اتقبض عليه.
اما كوبليان تاجر المجوهرات وفراز الموساد واللي كان سبب في تجنيد خميس. وروبرتو ضابط الموساد الاسرائيلي الاتنين اختفوا تماما وما ظهروش مرة تانية.
الحكم على الجاسوس خميس احمد بيومي .
ويوم 16 مارس سنة الف تسعمية خمسة وسبعين. تم تقديم خميس احمد بيومي للمحاكمة الجنائية. واتحكم عليه بالسجن عشر سنوات فقط لا غير. لحد هنا بيخلص ملف المخرب الجاسوس القاتل خميس احمد بيومي.